وەزارەتی ناوخۆی هەرێمی کوردستان رایگەیاند، بڕیاردراوە بەراگرتنی پرۆسەی خوێندنی هەردو وەزارەتی پەروەردە و خوێندنی باڵا و هەمو جۆرە بۆنە، مەراسیم و ئانگێکیش راگیراوە، هەروەها بازاڕ، مۆڵ و شوێنە گشتییەکان لەکاتژمێر 9:00ی شەو و بۆ 6:00ی بەیانی دادەخرێن و هەرلایەنێکیش پابەندی بڕیارەکان نەبێت سزای دارایی دەدرێت.
وەزارەتی ناوخۆی هەرێمی کوردستان لەراگەیەنراوێکدا بەیانی ژمارە 12ی ساڵی 2021ی بەمەبەستی خۆپارێزی بەرامبەر ڤایرۆسی کۆرۆنا بڵاوکردەوە و رایگەیاند، دەسەڵاتدراوە بە وەزارەتی ئەوقاف بۆ رێکخستنی پەرستشە ئاینییەکان و بازار و شوێنە گشتییەکانیش نابێت رێگە بدەن بە هاتوچۆی هاوڵاتیان بەبێ بەستنی دەمامک.
ئەوەش هاتوە، لەهەفتەیەکدا سێ رۆژ قەدەغەی هاتوچۆ لەنێوان پارێزگاکانی هەرێمی کوردستان و عێراق رادەگیرێت (رۆژانی پێنجشەممە، هەینی و شەممە)، هەروەها داوا دەکەن فەرمانگەکان و شۆفێرانی هێڵەکانی گواستنەوە پابەندی رێنماییەکان بن لە بەستنی دەمامک و بەپێچەوانەوە روبەڕوی سزای دارایی دەبنەوە.
بڕیارەکانی وەزارەتی ناوخۆ:
