بەهۆی ئەوەی پێڵاوی گرتە دەستەی سەرۆكایەتی پەرلەمان د.كازم فاروق سەرۆكی فراكسیۆنی نەوەی نوێ هۆڵی كۆبونەوەی پەرلەمانی جێهێشت و سەرۆكی پەرلەمانیش جەختیلەوەكردەوە كە ناتوانێت بچێتەوە ژورەوە.
دوانیوەڕۆی چوارشەممە 31ی ئازاری 2021 دانیشتنی پەرلەمانی كوردستان ئەنجام درا بۆ گفتوگۆكردن لەسەر چەند پرسێك، بەڵام دانیشتنەكە گرژی تێكەوت و د.كازم فاروق سەرۆكی فراكسیۆنی نەوەی نوێ پێڵاوی گرتە دەستەی سەرۆكایەتی پەرلەمان.
بەپێی زانیارییەكان، دواتر سەرۆكی ئەو فراكسیۆنە لە كۆبونەوەكە كرایە دەرەوە و لای خۆشیەوە رێواز فایەق سەرۆكی پەرلەمان وتی: بەپێی پەیڕەوی ناوخۆ ناوبراو بۆی نییە بێتەوە ناو هۆڵی پەرلەمان.
كازم فاروق لە دانیشتنەكەدا باسی لەدۆخی دارایی كرد و سەرۆكایەتی پەرلەمانی تۆمەتباركرد بەوەی پەیڕەوی ناوخۆیان قۆستوەتەوە بۆ رێگریكردن لە قسەی پەرلەمانتاران.
