محەمەد جەواد زەریف وەزیری دەرەوەی ئێران دەڵێت: پێشنیازی ئەمریكا بۆ گەڕانەوەی بۆ رێكەوتنی ئەتۆمی بەهیچ شێوەیەك مایەی قبوڵكردن نییە و لەسەر ئەمریكا پێویستە هەنگاوی یەكەم بنێت بۆ گەڕانەوە بۆ رێكەوتنەكە، ئەویش لەرێگەی پابەندبون پێیەوە چونكە ئەو پێشێلیكرد و چوەتە دەرەوە.
محەمەد جەواد زەریف لە گفتوگۆیەكی ئەلكترۆنیدا باسی لەوەكردوە: لەسەر ئەمریكا پێویستە سەرەتا هەنگاوی یەكەم بنێت بۆ گەڕانەوە بۆ رێكەوتنی ئەتۆمی، ئەو پێشنیازەشی پێشكەشی كردوە بەهیچ شێوەیەك مایەی قبوڵكردن نییە، ئەمریكییەكان ناتوانن 4 ساڵ لە مێژوی ئێران بسڕنەوە.
وەزیری دەرەوەی ئێران پێشی وایە: جۆ بایدن سەرۆكی ئێستا ئەمریكا هەمان سیاسەتەكانی دۆناڵد ترامپ سەرۆكی پێشو پەیڕەو دەكات بەرامبەر ئێران، كە ئەویش سیاسەتی ئەوپەڕی پەستانە، پێشتریش رابەری باڵای شۆڕشی ئیسلامی ئێران ئاماژەی بەوەداوە، ئەگەر ئەمریكا گەڕایەوە بۆ رێكەوتنی ئەتۆمی و پابەندبو ئەوا ئێمە دەگەڕێینەوە.
پێشتر ئیدارەی جۆ باید پێشنیازی ئەوەی بۆ حكومەتی تاران كرد كە لەبەرامبەر لابردنی هەندێك لە سزاكانی سەری چالاكییە ئەتۆمیەكانی بوەستێنێت.
