لیزا فهلهكهدین كاكهیی ئهندامی پهرلهمانی كوردستان له فراكسیۆنی پارتی دهڵێت: مهسرور بارزانى سهرۆكى حكومهت رۆڵى گرنگى ههبوه له تێپهڕاندنى پرۆژه یاساى بودجهى 2021ى عێراق و رێگهگرتن له گواستنهوهى موچهى فهرمانبهران بۆ سهر بهغدا.
لیزا فهلهكهدین له چاوپێكهوتنێكى تهلهفزیۆنیدا باسى لهوهكردوه: له تێپهڕاندنى پرۆژه یاساى بودجهى ئهمساڵى عێراق مهسرور بارزانى رۆڵى سهرهكى ههبوه ئهویش له دوو رهههندهوه.
ئاماژهى بهوهشداوه: ناوبراو رۆڵى كاریگهرى ههبو له تێپهڕاندنى پرۆژه یاساكهدا به شێوهیهك گشتگیر و دهستورى بێت، لهلایهكی دیكهوه ههوڵی ئهوه ههبوو موچهی فهرمانبهران بگوازرێتهوه سهر بهغدا ئهم ههوڵهش پوچهڵكرایهوه.
ئهو پهرلهمانتاره باسى لهوهشكردوه: لهماوهی رابردوودا باسی لامهركهزیهت و دوو ئیدارهیی و تهنانهت دوو ههرێمیش دهكرا، ههر ئهوانهی بانگهشهی ئهمهیان دهكرد ئهمڕۆ دهستخۆشی دهكهن، ههندێكی دیكه دهیانگوت شاندی دانوستانكار دهسهڵاتی تهواوی نییه و ناتوانێت بڕیار بدات ئێستا سوپاسی شاندهكه دهكهن كه رۆڵی خۆیان گێڕاوه.
