دەستەی گشتی كەشناسی و بومەلەرزەزانی عێراق ئاشكرایكرد: لەماوەی یەك مانگدا 19 بومەلەرزە لەناو عێراق و ناوچەكانی دەوروبەری رویانداوە.
حەسەنێن جاسم محەمەد بەڕێوەبەری بەشی بومەلەرزەزانی سەربە دەستەی گشتی كەشناسی و بومەلەرزەزانی عێراق لە بەیاننامەیەكدا بڵاویكردوەتەوە: لەماوەی یەك مانگدا 19 بومەلەرزە لەناو عێراق و دەوروبەری رویانداوە.
ئاماژەی بەوەشداوە: 10 بومەلەرزەیان لەناو خاكی عێراق بون و دوانیان لەسەر سنورەكانی سوریا و 7 بومەلەرزەش لە ناوچە سنوریەكانی ئێران بوون.
حەسەنێن جەختیلەوەشكردوەتەوە: چالاكی بومەلەرزەزانی بەشێوەیەكی ئاشكرا زیاتر لە قەزای خانەقین و كەلار و میسانن، بەڵام ناوچەكانی خۆرئاوا و باشوری خۆرئاوای عێراق بەدوربون لە چالاكی بومەلەرزە، زۆربەی بومەلەرزەكانیش لەلایەن هاوڵاتیانەوە هەستی پێكراوە، بەڵام هیچ زیانێكی گیانی و ماد تۆمار نەكراون.
