بەرپرسانی ئەمریكا ئاشكرایانكرد: ناسنامەی ئەو كەسەیان دیاری كردوە كە هێرشی كردە سەر ئەندامانی پۆلیس لەبەردەم تەلاری كۆنگرێس لە واشنتۆن.
تۆڕی NBC بڵاویكردوەتەوە: ئەو كەسەی لە بەردەم تەلاری كۆنگرێس بە ئۆتۆمبێلێكەوە هێرشی كردە سەر ئەندامانی هێزەكانی پۆلیس ناوی “نوح گرین”ە و تەمەنی 25 ساڵە.
رونیشكراوەتەوە: گرین لە ولایەتی ئیندیانا نیشتەجێ بوە و لە تۆڕی كۆمەڵایەتی فەیسبوك نوسیویەتی كە شوێنكەوتوی ئومەتی ئیسلامە، لە كۆتا پۆستیشیدا ئاماژەی بەوەداوە كە كارەكەی لە دەستداوە.
رۆژی هەینی شۆفێرێك خۆی كرد بەناو ژمارەیەك ئەندامی هێزەكانی پۆلیس لەبەردەم تەلاری كۆنگرێسدا لە واشنتۆن و بەهۆی ئەوەشەوە پۆلیسێك كوژرا و یەكێتی تر بریندار بوو، هەروەها شۆفێرەكە لەكاتی روداوەكەدا بە گولـلەی هێزە ئەمنیەكان كوژرا.
