ژمارەیەكی ئەندامی پەرلەمانی كوردستان ئاماژە بەوەدەدەن: هیچ بەهانەیەك نەماوە بۆ لێبڕینی موچەی فەرمانبەران و داوا دەكەن دانیشتنی داهاتوی پەرلەمانی تایبەت بكرێت بە پرسی لێبڕینی موچە.
17 ئەندامی پەرلەمانی كوردستان لە یاداشتێكدا بە واژۆكانیانەوەكە ئاڕاستەی سەرۆكایەتی پەرلەمانیان كردوە باسیان لەوەكردوە، داوا دەكەن لە دانیشتنی رۆژی چوارشەممە 7ی نیسانی 2021، بڕگەی ” لێبڕینی موچەی فەرمانبەرانی هەرێمی كوردستان” زیاد بكرێت.
لای خۆیەوە دابان محەمەد بە ماڵپەڕی شارپرێسی وتوە: دوای جێگیركردنی بەشە بودجەی هەرێمی كوردستان لەپڕۆژە یاسای بودجەی عێراق، ئیتر بەهانەیەك نەماوە بۆ لێبڕینی موچەی فەرمانبەران.
وتوشیەتی: ئێستا داهاتی هەرێم هیچ كێشەی تێدا نییەو بەشی ئەوە دەكات بەبێ لێبڕین موچە بدرێت، بۆیە هیچ بەهانەیەك نەماوە.
