حكومه‌تى ئیسرائیل ویلایه یه‌كگرتوه‌كانى ئه‌مریكاى له‌كردنه ئامانجى كه‌شتییه‌كى ئێرانى ئاگادار كرده‌وه، وده‌لێت له‌به‌رامبه‌ر زیانگه‌یاندن به كه‌شتییه‌كانمان ئه‌و كاره‌مان كردوه.
رۆژنامه‌ی نیۆرك تایمزی به‌ریتانی بڵاویكرده‌وه، حكومه‌تى ئیسرائیل به ئه‌مه‌ریكای ڕاگه‌یاندوه، كه‌وا هێزه‌كانیان ئێواره‌ی سێشه‌ممه كه‌شتی “ساوێز”ی ئێرانیان بۆردومانكردوه، ئه‌مه‌ش وه‌ك تۆڵه‌كردنه‌وه‌یه‌ك له‌به‌رامبه‌ر هێرشه‌كانی پێشوی ئێران بۆسه‌ر كه‌شتییه‌كانی ئیسرائیل.
پێشتریش ئاژانسی ته‌سه‌نیم كه نزیكه له حكومه‌تی ئێران پشتڕاستیكرده‌وه، له ده‌ریای سور هێرشكراوه‌ته سه‌ر كه‌شتییه‌كی ئێرانی كه ده‌یویست به‌ره‌و ئه‌ریتیریا بڕوات، وهێرشه‌كه‌ش له‌ڕێگه‌ی بۆمبی لكێندراوه‌وه بووه و زیانی زۆری به كه‌شتییه‌كه گه‌یاندوه.
