ئالوده‌بویه‌كى یارى PUBG له ژیانى راستیدا دیمه‌نه‌كانى یاریه‌كه دوباره ده‌كاته‌وه و ژماره‌یه‌ك ئه‌ندامى خێزانه‌كه‌ى خۆى ده‌كوژێت و بریندار ده‌كات.
ماڵپه‌ڕى ARY News ى پاكستانى بڵاویكردوه‌ته‌وه: پیاوێك به‌ناوى “بیلال” كه ئالوده‌بوى یارى PUBGیه، دیمه‌نه‌كانى یاریه‌كه له ژیانى راستیدا دوباره ده‌كاته‌وه و ته‌قه له خوشكى ژنه‌كه‌ى و هاوڕێكه‌ى و دایكى و دوو خوشه‌كه‌كه‌ى و برایه‌كى ده‌كات، به‌هۆى روداوه‌كه‌وه دوانیان ده‌كوژێت و 3 كه‌سى تریش بریندار بون.
ئه‌وه‌ش هاتوه: له گرته ڤیدیۆییه‌كاندا ده‌رده‌كه‌وێت كه بیلال وه‌ك یاریه‌كه خوده‌ى سه‌ربازى و چاكه‌تى گوله‌نه‌بڕى كردوه‌ته به‌رى و ده‌ست ده‌كات به ته‌قه‌كردن له كه‌سوكاره‌كه‌ى.
لاى خۆیه‌وه عومه‌ر بلوش به‌ڕێوه‌به‌رى پۆلیسى ناوچه‌كه باسى له‌وه‌كردوه: تۆمه‌تبار ئالوده‌ى یارى “په‌بجى” بوه و به‌رده‌وام كه‌سوكارى هه‌وڵیان داوه رێگرى لێ بكه‌ن له‌وه‌ى یارى بكات، بیلال دیمه‌نى یاریه‌كه‌ى دوباره كردوه‌ته‌وه ئه‌وه‌ش دواى ئه‌وه‌ى بوه به شه‌ڕى له‌گه‌ڵ كه‌سوكاریدا و ده‌مانچه‌یه‌كى هێناوه و ده‌ستى كردوه به ته‌قه‌كردن له كه‌سه نزیكه‌كانى.
