نوێترین هەواڵ

سێ بومه‌له‌رزه‌ى یه‌ك له‌دواى یه‌ك پارێزگاى كوردستان ده‌هه‌ژێنن

سێ بومه‌له‌رزه‌ى یه‌ك له‌دواى یه‌ك پارێزگاى كوردستان له‌ باكورى خۆرئاواى ئێران ده‌هه‌ژێنن و به‌رزترینیان 3.8 پله‌ بوه‌ به‌پێوه‌رى رێخته‌ر.
ناوه‌ندى بومه‌له‌رزه‌زانى زانكۆى تاران بڵاویكردوه‌ته‌وه‌: به‌ره‌به‌یانى ئه‌مڕۆ یه‌كشه‌ممه‌ 3 بومه‌له‌رزه‌ پارێزگاى كوردستانیان هه‌ژاندوه‌، كه‌ ناوه‌نده‌كه‌ى له‌ ناوچه‌ى “ئارمرده‌”ى سه‌ربه‌ قه‌زاى بانه‌ بوه‌.
رونیشكراوه‌ته‌وه‌: یه‌كه‌میان گوڕه‌كه‌ى 3.6 پله‌ بوه‌ به‌ پێوه‌رى رێخته‌ر و كاتژمێر 6 رویداوه‌، دوه‌میشیان 3.8 پله‌ بوه‌ و كاتژمێر 6 و 16 خوله‌ك و  سێیه‌میشیان 3.7 پله‌ بوه‌ و كاتژمێژ 6 و 52 خوله‌ك رویداوه‌، تائێستا هیچ راپۆرتێك له‌سه‌ر بونى زیانى گیانى و مادى نه‌بوه‌ به‌هۆى بومه‌له‌رزه‌كانه‌وه‌.
پارێزگاى كوردستانه‌ نزیكه‌ له‌ قه‌زاى پێنجوێنى هه‌رێمى كوردستان و لاى خۆیه‌وه‌ ده‌سته‌ی كه‌شناسی و بومه‌له‌رزه‌زانی عێراق بڵاویكردوه‌ته‌وه‌: به‌ره‌به‌یانی ئه‌مڕۆ یه‌كشه‌ممه‌ پێنج بوومه‌له‌رزه‌ی یه‌ك به‌ دوای یه‌ك له‌ قه‌زای پێنجوێنی سه‌ربه‌ پارێزگای سلێمانی روی داوه‌ و نزمترینیان 3 پله‌ بوه‌ و به‌رزترینیان 3.8 پله‌ بوه‌.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .