حەقە ڤاكسینەكان ناوبنێن ترەمپسین

دۆناڵد ترەمپ سەرۆكی پێشووی ئەمریكا ئێوارەی رۆژی شەممە لە كۆڕێكی ئەو كەسانەی كە سپۆنسەری پارتی كۆمارییەكان دەكەن، بەشداری كرد‌و وتارێكی پێشكەش كرد.بەگوێرەی هەواڵی رۆژنامەی (ئندیپێندنت)ی بەریتانی، لەو وتارەدا ترەمپ باسی لەوەكردووە، ئەو رۆڵی هەبووە لەوەی چەندین ڤاكسینی دژە كۆرۆنا پەرەی پێبدرێت.

ترەمپ باسی لە كەسێك كردووە كە هاتوەتە لای‌و پێی وتووە” گەورەم دەبوو ڤاكسینەكە ناوبنێن ترەمپسین”. لەباسی هەوڵەكانی خۆیدا بۆ دۆزینەوەی ڤاكسین، ترەمپ ئاماژەی بە دەستپێشخەریی Warp Speed كردووە، كە ئیدارەی پێشووی ئەمریكا رایگەیاند بۆ خێراكردنی پرۆسەی پەرەپێدانی ڤاكسینی كۆرۆنا. هەر لەم وتارەدا، ترەمپ هێرشی توندی كردوەتەسەر ئەنتۆنی فاوچی پسپۆڕی ژینگە‌و وتویەتی فاوچی لەسەرەتای كۆرۆنادا رێنمایی كردوم بۆ ئەوەی دەمامك نەكەم‌و بەڵام لە مانگەكانی كۆتاییدا پێشنیازی ئەوەی كردووە لەبری دەمامكێك پێنج دەمامك بكرێت. پرسی چۆنیەتی ئیدارەدانی قەیرانی كۆرۆنا، یەكێك لەو بابەتانە بووە كە لەدواین هەڵبژاردنی سەرۆكایەتی ئەمریكادا، دۆناڵد ترەمپی لەبەرامبەر جۆبایدنی كاندیدی دیموكراتەكان دوچاری شكست كرد.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .