نوێترین هەواڵ

حكومەتی هەرێم هەواڵێك بەدرۆ دەخاتەوە

وتەبێژی حكومەتی هەرێمی كوردستان هەواڵێكی بەدرۆخستەوە و رایگەیاند، ئەو هەواڵەی باس لەوە دەكات،  بنكەیەكی ناوەندی زانیاری و چالاكی دەزگایەكی هەواڵگری ئیسرائیلی لە ھەرێمی كوردستان كراوەتە ئامانج، دورە لەراستیەوە.
جوتیار عادل وتەبێژی حكومەتی هەرێم لەبەیاننامەیەكدا رایگەیاند، هەواڵێك بڵاوكرایەوە كە گوایە بنكەیەكی ناوەندی زانیاری و چالاكی دەزگایەكی هەواڵگری ئیسرائیلی لە هەرێمی كوردستان كراوەتە ئامانج و چەند كارمەندێكی ئەو بنكەیە كوژراون و بریندار بوون.
رونیشیكردەوە، ئێمە دووپاتیدەكەینەوە ئەو هەواڵە سەرلەبەری دوورە لە ڕاستیەوە، هەروەك چۆن لە ڕابردووشدا چەندینجار ئەو جۆرە تۆمەتانەیان ئاراستە كردوین بەوەی بنكەیەكی دەزگای هەواڵگری ئیسرائیل لە كوردستانە، ئێمە پێمان وایە ئەو هەواڵ و تۆمەتە بێ بنەمایانە مەبەستدارە و تەنیا ئامانجیان پیلانگێڕیە بەرامبەر بە هەرێمەكەمان.
دوێنێ‌ ژمارەیەك میدیای ناوچەكە بڵاویانكردەوە، بنكەیەكی ناوەندی زانیاری و چالاكی دەزگایەكی هەواڵگری ئیسرائیلی لە هەرێمی كوردستان كراوەتە ئامانج و چەند كارمەندێكی ئەو بنكەیە كوژراون و برینداربوون.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .