نوێترین هەواڵ

كازمی بەیاننامەیەكی لەیادی شاڵاوی ئەنفالدا بڵاوكردەوە

مستەفا كازمی سەرۆكی وەزیرانی عێراق لە یادی 33 ساڵەی ئەنفالدا دەڵێت: یەكێتی وڵات و ژیانی شكۆمەندانە و دادگەریی ئامانج و بنەماگەلێكن كە عێراق دەكەنە وڵاتێكی ئارام و بەهێز پشت بەست بەگەل و خاكەكەی.
مستەفا كازمی لە بەیاننامەیەكدا بڵاویكردوەتەوە: ئەمڕۆ 33 ساڵ بەسەر دەستپێكردنی تاوانی ئەنفالدا تێپەڕدەبێت كە رژێمی پێشو دژ بە گەلی كوردمان ئەنجامیدا، لەم شاڵاوەدا دەیان هەزار كەس بونە قوربانی و ژمارەیەكی زۆری خەڵكیش لە زیندانی تاریكدا بێسەروشوێن كران، سەدان گوندی كوردستان وێرانكران و خەڵكەكەی دەربەدەربون، هەموو ئەمەش بەهۆی تاوانێكی ئازاربەخشەوە كە مرۆڤایەتی توشی شۆك و بێزاری كرد.
سەرۆك وەزیرانی عێراق جەختیلەوەشكردوەتەوە: بەئازار و خەمێكی قوڵەوە ساڵیادی ئەم كارەساتە گەورەیە بیر دەهێنینەوە، سەری رێز و نەوازش بۆ شەهیدان و قوربانیانی ئەم تاوانە نەوی دەكەین، یادكردنەوەی ساڵانەی ئەنفال هاندەری سەرجەم حكومەتەكانە بۆ كاركردنی جدی تا رێگریی لە گەڕانەوەی دیكتاتۆرییەت بكەن بەهەر جۆر و چەشنێك بێت، هەروەها هەموو جۆرە سیاسەتێكی پەراوێز خستن رەت بكەنەوە.
كازمی باسی لەوەشكردوە: بیرهێنانەوەی ئەو تاوانانەشی بەرامبەر رۆڵەكانی گەلی عێراق كراون بۆ جەختكردنەوەیە لەوەی كە دیموكراسی و چاكسازی و پێكەوەژیانی ئاشتیانە تاكە رێگەی عێراقێكی پرشنگدارە كە ئاشتی و خۆشەویستی و لێبوردەیی باڵ بكیشێت بەسەریدا، یەكێتی وڵات و ژیانی شكۆمەندانە و دادگەریی ئامانج و بنەماگەلێكن كە عێراق دەكەنە وڵاتێكی ئارام و بەهێز پشت بەست بەگەل و خاكەكەی. 

هەواڵی دواتر

مباپێ‌: چیتر لەوە زیاتر چاوەڕێ ناكەم

كیلیان مباپێ‌ ئەستێرەی هەڵبژاردەی فەرەنسا و یانەی پاریس سانجێرمانی هەمان وڵات جەخت لەوە دەكاتەوە، چیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .