تەقینەوەیەك لە كارگەیەكی ئاسن لە ناوچەی تانجەرۆی شاری سلێمانی رویدا و بەهۆیەوە كەسێك گیانی لەدەستدا و 4 كەسی تر بریندار بون، بەپێی زانیاریەكانیش بەهۆی بونی مادەی تەقینەوە بوە لەناو ئاسنە كۆكراوەكاندا.
سەرچاوەكانی هەواڵ لەزاری سامان نادر بەڕێوەبەری سەنتەری فریاكەوتنی سلێمانی بڵاویانكردوەتەوە: بەیانی ئەمڕۆ تەقینەوەیەك لە گاركەیەكی ئاسن لە ناوچەی تانجەرۆ رویداوە.
ئاماژەی بەوەشداوە: بەهۆی تەقینەوەكەوە كەسێك كە كرێكار بوە گیانی لەدەستداوە هەروەها 4 كەس تریش بریندار بون و رەوانەی نەخۆشخانە كراون.
بەپێی زانیاریەكان، تەقینەوەكە بەهۆی بونی مادەی تەقینەوەوە بوە لەناو ئەو ئاسنانەی كۆكراونەتەوە بۆ تواندنەوە.
