سەفین دزەیی، بەرپرسی فەرمانگەی پەیوەندییەکانی دەرەوەی هەرێمی کوردستان ئاماژەی بەوە کرد “ئەم کردەوانە بە هیچ جۆرێک ناتوانێت گەلی کوردستان لە پێکەوەژیانی ئاشتییانە و ئاسایش و سەقامگیری دابڕێنێت کە ئەرکی هەرە لەپێشی ئێمەیە”.
دزەیی ئەوەی خستەڕوو “تەواوی نێردە دیپلۆماسییەکان و ئاژانسە نێودەوڵەتییەکان و رێکخراوە ناحکومی و بیانییەکانی دانیشتووی هەولێر دڵنیا دەکەمەوە کە حکومەتی هەرێمی کوردستان هەموو توانای خۆی بەکاردێنێت بۆ ئاشکراکردنی ئەنجامدەرانی ئەو هێرشە و پاراستن و دابینکردنی ئاسایشی تەواو بۆ هەمووان و سزادانی تاوانباران”.
دەوروبەری کاتژمێر 09:50 خولەکی شەوی 14ی نیسان هێرش کرایە سەر فڕۆکەخانەی هەولێر. دژە تیرۆری هەرێمی کوردستان رایگەیاند، هێرشەکە لەڕێگەی مووشەکێکەوە کراوە.
