كۆمپانیای نەوتی باكور ئاشكرایكرد: دوو بیرە نەوت لە پارێزگای كەركوك روبەڕوی كاری تێكدەرانە بونەتەوە، ئەوەش لە ڕێگەی دانانی بۆمبی چێنراوەوە.
كۆمپانیای نەوتی باكور لە بەیاننامەیەكدا بڵاویكردوەتەوە: دوو بیرە نەوتی كێڵگەی “بای حەسەن” روبەڕوی هێرشی تێكدەرانەی ترسنۆكانە بونەتەوە و دوو بۆمبی چێنراویان تێدا دانراوە.
رونیشكراوەتەوە: تەقینەوەكان هیچ ئاگرێكی لێنەكەوتوەتەوە و زیانی گیانی و مادیشیان بەدواوەوە نەبوە، هەروەها كاریگەری نەكردوەتە سەر پرۆسەی وەبەرهێنان و نەوەستاون.
كۆمپانیای نەوتی باكور ئاماژەی بەوەشداوە: وەزارەتی نەوت و لایەنە ئەمنیەكان دەستیان كردوە بە لێكۆڵینەوە لە روداوەكە.
