سەبەتەی خۆراك بەسەر 3 هەزار خاوەن پێداویستی تایبت لە سلێمانی و هەڵەبجە و سەیدسادق دابەش كرا و سامان حسێن سكرتێری یەكێتی كەمئەندامانیش، داوا دەكات ئەو هاوكاریانە بەردەوام بن، چونكە ژیانی كەمئەندامان لە مەترسیدایە.
ئەمڕۆ شەممە 17ی نیسانی 2021 سەبەتەی خۆراك بەسەر 3 هەزار خاوەن پێداویستی تایبەت لە سلێمانی و هەڵەبجە و سەیدسادق دابەش كرا.
سامان حسێن سكرتێری یەكێتی كەمئەندامانی لە كۆنگرەیەكی رۆژنامەوانیدا ئاماژەی بەوەدا: هیوادارم ئەم جۆرە هاوكاریانە بەردەوامبێت، چونكە دۆخی گوزەرانی كەمئەندامان زۆر لەوە سەختترە كە بیری لێدەكەینەوە، كەمی موچە و قەیرانی دارایی و هاتنی كۆرۆناش ژیانیانی گرانتر كردوە.
هێمای بۆ ئەوەشكرد: داوا لە خێرخوازان و لێپرسراوان و مسوڵمانان دەكەم هەوڵەكانیان چڕ بكەنەوە و بۆ یارمەتیدانی خاوەن پێداویستیە تایبەتەكان، چونكە ئەگەر یارمەتیان نەدرێت ئەوا كارەسات روو لەو خێزانانە دەكات و ژیانیان لە مەترسیدایە.
