هەوڵ دەدرێت ڤاكسین بۆ سەرجەم بەشدارانی جامی جیهانی 2022 دابین بكرێت

شێخ محەمەد عەبدولرەحمان ئال سانی جێگری سەرۆكی ئەنجومەنی وەزیران و وەزیری دەرەوەی قەتەر ئاشكرایكرد: سەرقاڵی بەرنامەیەكن بۆ ئەوەی ڤاكسین بۆ سەرجەم ئەو كەسانەی بەشداری جامی جیهانی قەتەر دەكەن دابین بكرێت.
شێخ محەمەد عەبدولرەحمان لە لێوانێكی رۆژنامەوانیدا ئاماژەی بەوەداوە: قەتەر بەباشی ئامادەیە بۆ ئەوەی بۆ جیهانی بسەلمێنێت كە دەتوانێت پێشوازی جامی جیهانی 2022 بكات بەشێوەیەكی زۆر تایبەتمەند.
رونیشیكردوەتەوە: لەسەرەتاشەوە هەر ئەوە پلانمان بوە، جامی جیهانی قەتەر یەكەم روداوی دڵخۆشكەر دەبێت لە دوای پەتای كۆرۆنا و كەرەنتین، ئەوەش دەرفەتێكی نایابە بۆ جیهان.
وەزیری دەرەوەی قەتەر ئەوەشی ئاشكراكردوە: لەگەڵ بەرهەمهێنەرانی ڤاكسینی كۆرۆنا لە گفتوگۆدان سەبارەت بە چۆنێتی دابینكردنی ڤاكسین بۆ سەرجەم ئەو كەسانەی لە جامی جیهانیدا بەشداری دەكەن و لەئێستاشدا سەرقاڵی بەرنامەیەكن  بۆ دابینكردنی، ئەوەش سەرەرای ئەوەی هیواخوازن تا ئەو كاتە پەتاكە كۆتایی هاتبێت.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .