نوێترین هەواڵ

یەکگرتوو: رای جیاواز و گرفت ئاساییە

نووسینگەی ئەمینداری گشتیی یەکگرتوو لە روونکردنەوەیەکدا ئەو هەواڵانە رەتدەکاتەوە کە گوایە ئەمینداری گشتیی یەکگرتوو ستەمی لە ئەندامێکی حیزبەکە کردبێت و یەکگرتوو لە لێواری دابەشبووندا بێت، بەڵام دەڵێت، هه‌ندێک رای جیاواز و گرفت هه‌بووه‌ له‌سه‌ر لائیحه‌ و پێكهاته‌ی ئه‌نجوومه‌نی شورای گشتیی حیزبەکە. 

لە روونكردنه‌وه‌یه‌كدا کە نووسینگه‌ی ئه‌مینداری گشتیی یه‌كگرتووی ئیسلامی كوردستان بڵاویکردووەتەوە هاتووە “له‌م رۆژانه‌دا به‌ مه‌به‌ستێكی گوماناویی و دووبه‌ره‌كی نانه‌وه‌ له‌ ناو یه‌كگرتووی ئیسلامی كوردستاندا هه‌ندێ له‌ میدیاكان بابه‌تێكیان وروژاندووه‌ گوایه‌ ئه‌مینداری گشتی سته‌می كردووه‌ له‌ ئه‌ندامێكی حیزب و یه‌كگرتوو له‌ لێواری دوو له‌ت بووندایه‌. ئێمه‌ جه‌خت ده‌كه‌ینه‌وه‌ كه‌ تۆكمه‌یی ریزه‌كانی یه‌كگرتوو و متمانه‌ی پۆڵایینی ئۆرگانه‌كان و ده‌زگاكان به‌ ئه‌میندار و سه‌ركردایه‌تیی خۆیان هه‌رده‌م ئه‌و جۆره‌ خه‌ونانه‌ به‌ نه‌زۆك ده‌هێڵێته‌وه”‌. 

 نووسینگەی راگەیاندنی ئەمینداری یەکگرتووی ئیسلامی لە هەمانکاتدا رایدەگەیێنێت “سه‌باره‌ت به‌م بابه‌ته‌ش به‌ڵێ شتێكی ئاساییه‌ و هه‌ندێ رای جیاواز و گرفت هه‌بووه‌ له‌سه‌ر لائیحه‌ و پێكهاته‌ی ئه‌نجوومه‌نی شورای گشتی یه‌كگرتوو، ماوه‌یه‌كی خایاند و چه‌ندین رێگه‌ گیرایه‌ به‌ر بۆ چاره‌سه‌ری تا گه‌یشته‌ ئه‌وه‌ی ده‌سته‌ی باڵای چاودێری یه‌كگرتوو یه‌كلایی كرده‌وه‌ و كۆتایی پێهێنا”.

سەبارەت بە ناڕەزایەتییەکانی ئەندامێکی ئەو حیزبە، نووسینگەی راگەیاندنی ئەمینداری یەکگرتووی ئیسلامی دەڵێت: “سرووشتییه‌ كه‌ به‌ڕێز ( د. عومه‌ر محه‌ممه‌د ) كه‌ به‌ركه‌وته‌ی بڕیاره‌كه‌ بوو، پێ ناخۆش بوونی خۆی ده‌ربڕێ و سكاڵا به‌رزبكاته‌وه‌ و ده‌نگ هه‌ڵبڕێ.. به‌ڵام له‌ كۆتایی هه‌ركێشیه‌ك دا په‌یڕەو و پرۆگرامی حیزب دادوه‌ره‌ و بڕیاری ده‌سته‌ی باڵای چاودێری یه‌كگرتوو یه‌كلایی كه‌ره‌وه‌یه‌. جا دروستكردنی چیرۆك له‌سه‌ر ئه‌م بابه‌ته‌ و تۆمه‌ت به‌خشینه‌وه‌ له‌سه‌ری جگه‌ له‌ په‌شیمانی و كه‌شف بوونی ره‌گ و ده‌ماری ناحه‌زان هیچی تری لێ ناكه‌وێته‌وه‌”. 

 لەبارەی دەستوەردانی سەلاحەدین بەهائەدین لەو پرسە، لە راگەیێندراوەکەدا هاتووە: “به‌ڕێز ئه‌مینداری گشتی به‌پێى په‌یڕه‌وی ناوخۆ سه‌رپه‌رشتیار و كه‌سی یه‌كه‌می حیزبه‌ و ئه‌ركی خۆیه‌تی ریعایه‌تی هه‌موو ئه‌ندام و ده‌ڤه‌ر و هاوسه‌نگییه‌ك بكات..

سه‌رۆكی ئه‌نجوومه‌نی جێبه‌جێكردنه‌ و بڕیاره‌كانی ده‌سته‌ی چاودێریی و سه‌ركردایه‌تیی له‌ رێگه‌ی ئه‌وه‌وه‌ ئه‌نجام دە‌درێ. ئه‌وه‌ی كراوه‌ چاره‌سه‌ری لائحی و په‌یره‌ویه‌ و هیچ نهێنیه‌كی تێدا نیه‌ تا هه‌ندێ كه‌س بیانه‌وێ خۆراكی میدیایی و كاسبی به‌سه‌ره‌وه‌ بكه‌ن” .

 لەکۆتایی راگەیێندراوەکەدا، نووسینگەی ئەمینداری یەکگرتووی ئیسلامی رایدەگەیێنێت: “ئه‌وله‌ویه‌تی خولی هه‌شته‌م له‌ كۆنگره‌ی هه‌شته‌م دیاریی كراوه‌ كه‌ تۆكمه‌یی و هه‌ستانه‌وه‌ی ناوخۆ و ئاسایش و شكۆی یه‌كگرتوو و یه‌كڕیزیی و یه‌كگرتوویی یه‌كگرتوو، ستراتیژی قۆناغه‌كه‌یه‌”. لە کۆنگرەی هەشت بڕیاردرا ئه‌نجوومه‌نی شورای گشتیی بۆ کادیرە دێرینەکان دروستبکرێت. دواتر یەکێک لە سەرکردەکانی سلێمانی دەرچووە بۆ سەرۆکی ئەنجوومەنەکە، بۆیە ئەمینداری یەکگرتووە بەوە ناڕازی بووە.

هەواڵی دواتر

مستەفا کازمی هەڵوێستی خۆی لەبارەی رەتکردنەوەی پرۆژە یاسای ئاسایشی خۆراک راگەیاند

لەیەکەم هەڵویستی دژی بڕیارەکەی دادگای فیدڕاڵی بە رەتکردنەوەی پرۆژە یاسای ئاسایشی خۆراک، مستەفا کازمی سەرۆک …

وەڵامێک بنووسە

پۆستی ئەلکترۆنیکەت بڵاو ناکرێتەوە .