عالیە نوسێف ئەندامی پەرلەمانی عێراق دەڵێت: ئەگەر بڕیاری سەپاندنی باج بەسەر فەرمانبەران جێبەجێ بكرێت، ئەوا لە پەرلەمان دەنگ بە لەسەركار لابردنی وەزیری دارایی دەدەن.
عالیە نوسێف لە بەیاننامەیەكدا ئاماژەی بەوەداوە: پەرلەمان نوێنەرایەتی دەسەڵاتی گەلی عێراقی دەكات و پێشتر بڕگەی دانانی باجی لەسەر موچەی فەرمانبەران لابردوە و رێگە بەوە نادەین هیچ لایەنێك خۆی لەوە بدزێتەوە.
ئەو پەرلەمانتارە باسی لەوەشكردوە: حكومەت مافی ئەوەی نییە كە باج بسەپێنێت بەسەر موچەدا بەهیچ شێوەیەك، بەپێچەوانەی ئەوەوە پەرلەمان تانەی لێدەدەات و دەنگ لەسەر لەسەركارلابردنی وەزیری دارایی دەدات، ئەگەر ئەو بڕیارە جێبەجێ بكرێت.
عالیە نوسێف جەختیلەوەشكردوەتەوە: فەرمانبەران و خانەنشینان دڵنیا دەكەینەوە كە باج ناخرێتە سەر موچەكانیان و داواش لە وەزیری دارایی دەكەن كە لەبری ئەوە هەوڵی زیادكردنی داهاتی دەوڵەت بدات لە رێگەی دەروازە سنوریەكان كە زۆرینەی داهاتەكەیان بەفیڕۆ دەچێت.
