ئومێد سەباح سەرۆكی دیوانی ئەنجومەنی وەزیرانی هەرێم دەڵێت: لێبڕینی موچە پەیوەندی بە بودجەی هەرێمەوە هەیە و لە كۆبونەوەی ئەنجومەنی وەزیران هێڵە گشتیەكانی بودجە تاووتوێدەكرێت.
ئومێد سەباح بە رۆژنامەنوسانی وت: شاندی هەرێم ئامادەكاری دەكات بۆ ئەوەی جارێكی دیكە بگەڕێنەوە بەغدا و لە هەماهەنگیداین لەگەڵ لایەنە پەیوەندیدارەكان، سەرۆكی حكومەتی هەرێم نوسراوێكی فەرمی ئاراستەی سەرۆكوەزیرانی عێراق كردوە سەبارەت بە پابەندییەكان هەرێم بۆ جێبەجێكردنی ریككەوتنەكە.
رونیشیكردوەتەوە: ئەو شاندەی دەچنە هەرێم هەمان شاندی پێشون، ئەمجارە گفتوگۆكان لەنێوان وەزارەتی سامانە سروشتیەكان و وەزارەتی دارایی عێراق و هەرێم و چاودێری دارایی هەردو حكومەت دەبێت.
سەرۆكی دیوانی ئەنجومەنی وەزیران سەبارەت بە لێبڕینی موچەش وتویەتی: لێبڕینی موچە پەیوەندی بە بودجەی هەرێمی كوردستانەوە هەیە.
