سەرۆكی دەستەی گشتی خانەنشینی نیشتمانی عێراق رایگەیاند، بەچەند هۆكارێكی جیاجیا، موچەی ملیۆنێك و 200 هەزار خانەنشین راگیراوە.
ئەیاد جبوری سەرۆكی دەستەی خانەشینی عێراق رایگەیاند، زیاتر لە دوو ملیۆن و 500 هەزار خانەشینی شایستە موچەكانیان بەتەواوی وەرگرتوە، بەڵام موچەی یەك ملیۆن و 200 هەزار كەس بەچەند هۆكارێكی جیاجیا راگیراوە، بەشێكیان بەشێوەی میراتگری موچەی خانەنشینی وەردەگرن و وردبینیش لەبەشێكی دیكەیان دەكرێت.
باسی لەوەشكرد، لەسەرەتای ئەمساڵەوە هەڵمەتێكی وردبینی بەرفراوانیان دەستپێكردوە كە نزیكەی 80 هەزار خانەنشینی گرتوەتەوە و ئەنجامی وردبینیەكانیش باش بون، چونكە دەركەوت زیاتر لە 45 هەزار خانەنشین ناشایستەن و مانگانەش موچە وەردەگرن”.
سەرۆكی دەستەی خانەنشینی عێراق دڵنیاییشیدا لەوەی بەهیچ جۆرێك موچەی خانەنشینانی شایستە راناگیرێت.
