بەهای دراوی ئەلكترۆنی بیتكۆین و زۆرینەی دراوە ئەلكترۆنیەكانی تر بە شێوەیەكی بەرچاو دابەزی، هۆكارەكەشی بۆ بڕیارێكی سەرۆكی ئەمریكا لە بارەی بەرزكردنەوەی باج لەسەر سەرمایەدارەكان دەگەڕێنرێتەوە.
رۆژی هەینی نرخی یەك بیتكۆین بۆ نزیكەی 48 هەزار دۆلار دابەزی، ئەمەش لە كاتێكدایە لە دوو هەفتەی رابردوودا گەیشتبوە 64 هەزار دۆلار.
بەهۆی دابەزینی بەهای بیتكۆینەوە زۆرینەی دراوە ئەلكترۆنیەكانی دیكەش بە رێژەی بەرچاو بەهای خۆیان لەدەستداوە و بەم پێیەش بازاڕی دراوە ئەلكترۆنیەكان بە بەهای 260 ملیار دۆلار لە بەهاكەی لەدەستداوە.
هۆكارە ئەو دابەزینە خێرایەی دراوە ئەلكترۆنیەكان بۆ بڕیارێكی جۆ بایدن سەرۆكی ئەمریكا دەگەڕێنرێتەوە، كە رایگەیاندبوو، باج لە سەر سەرمایەداران بە رێژەی 2.6% زیاد دەكەن.
دوای راگەیاندنی ئەو بڕیارە، بەهای پشكەكان لە بازاڕی بۆرسەی ئەمریكا رووی لە داكشان كردبوو.
