نوێترین هەواڵ

قورئانەكەی شەقامی 100 مەتری هەولێر چۆن بڵاوبویەوە؟

عەباس محەمەد ئەندامی ئەنجومەنی پارێزگای هەولێر ئاشكرایكرد: ئەو قورئانەی پەڕەكانی لەسەر شەقامی 100 مەتری بڵاوبوەوە، ژن و پیاوێك لەكاتی ماڵ باركردن لەسەر ئۆتۆمبێلەكەیان بیریان چوە و لەكاتی گەڕانەوە بۆ گوندەكەیان پەڕەكانی كەوتونەتە خوارەوە.
عەباس محەمەد لە راگەیەندراوێكدا بڵاویكردوەتەوە: پیاوێك دوای ئەوەی نوێژی تەراویحی لە مزگەوت كردوە، لەگەڵ هاوسەرەكەیدا ماڵەكەیان لە شارەوە دەگوازنەوە بۆ گوند، بەڵام قورئانێكیان لەسەر ئۆتۆمبێلەكەیان بیر دەچێت.
رونیشكراوەتەوە: دوای ئەوەی دەگەنە گوندەكەیان دەزانن كە قورئانەكەیان لەسەر ئۆتۆمبێلەكە بوە و بەهۆی ئەوەشەوە پیاوەكە دەگەڕێتەوە بۆ لای مامۆستای مزگەوتەكە و روداوەكەی بۆ باس دەكات و نیگەرانی خۆی دەردەبڕێت، مامۆستاكەش شایەتحاڵی روداوەكەیە.
ئەندامەكەی ئەنجومەنی پارێزگای هەولێر جەختیلەوەشكردوەتەوە: مامۆستاكە شایەتی بۆ ئەو پیاوە دەدات كە ئەهلی مزگەوتە و هاوڕێیەتی، ئەو پیاوەش دواتر رونكردنەوە بڵاودەكاتەوە.
بڵاوبونەوەی پەڕەكانی قورئانی پیرۆز لەسەر شەقامی 100 مەتری شاری هەولێر كاردانەوەی زۆری بەدوای خۆیدا هێنا و بە هەوڵدان بۆ سوكایەتیكردن بە هەستی موسوڵمانان لێكدرایەوە.

هەواڵی دواتر

مستەفا کازمی هەڵوێستی خۆی لەبارەی رەتکردنەوەی پرۆژە یاسای ئاسایشی خۆراک راگەیاند

لەیەکەم هەڵویستی دژی بڕیارەکەی دادگای فیدڕاڵی بە رەتکردنەوەی پرۆژە یاسای ئاسایشی خۆراک، مستەفا کازمی سەرۆک …

وەڵامێک بنووسە

پۆستی ئەلکترۆنیکەت بڵاو ناکرێتەوە .