هاوسەرۆکایەتی کۆنسەی بەڕێوەبەری کەجەکە ئاماژە بەوەدەدات کە بێدەنگیی هەندێک لە هێزە کوردییەکان لە سەروویانەوە پارتی دیموکراتی کوردستان بهرامبهر به هێرشهكانی توركیا بۆ سهر چهند ناوچهیهكی ههرێم، “بە واتای رەوایەتیدان و پەسەندکردنی ئەو هێرشانەیە” باسی لهوهشكردووه، “گەلی کورد چاوەڕێی هەڵویستی روونی پارتی دیموکراتی کوردستانە”.
لە راگەیێندراوێکدا هاوسەرۆکایەتی کۆنسەی بەڕێوەبەریی کۆما جڤاکێن کوردستان- کەجەکە سهبارهت به هێرشهكانی توركیا بۆ سهر چهند ناوچهیهكی سنوریی ههرێمی كوردستان رایگهیاندووه، “دەوڵەتی تورکیا پشتیوانی و پەسەندی هێزە نێودەوڵەتییەکانیان وەرگرت، بێدەنگیی هەندێک لە هێزە کوردییەکان لە سەروویانەوە پارتی دیموکراتی کوردستان، بە واتای رەوایەتیدان و پەسەندکردنی ئەو هێرشانەیە، لە هەر جێگەیەکەوە هێرش بکرێتە سەر کوردان، پێویستە هێزە سیاسییەکان و گەلی کورد ناڕەزایەتی نیشان بدەن”.
کەجەکە ئاماژەی بەوە کردووە، “کاتێک هێرش کرایە سەر باشووری کوردستان یان شوێنەکانی دیکە، “پەکەکە، گەریلا و گەلی کورد دەستبەجێ هەڵویستیان نیشاندا و بەرامبەری وەستانەوە، ئەوەش واتای ئەوەیە، لە بەرامبەر هێرشێکی بەو شێوە بەرفراوانەدا، پارتی بە ئاشکرا بەرامبەری نەوەستاوەتەوە”.
له رۆژی شهممهوه سوپای توركیا هێرشێكی بهرفراوانی بۆ سهر چهند ناوچهیهكی سنوریی ههرێم به تایبهت له دهۆك دهستپێكردووه و ئامانجی جێگیركردنی هێزه لهو ناوچانه و له ئهنجامدا پێكدادانی قورس له نێوان سوپای ئهو وڵاته و گهریلاكانی پهكهكه هاتوهته ئاراوه.
