كۆمسیۆنى باڵاى سه‌ربه‌خۆى هه‌ڵبژاردنه‌كانى عێراق ئاشكرایكرد: تائێستا 847 كه‌س خۆیان بۆ هه‌ڵبژاردنى داهاتو پاڵاوتوه و 122 حزبیش خواستى به‌شداریكردنیان هه‌یه.
كۆمسیۆنى باڵاى سه‌ربه‌خۆى هه‌ڵبژاردنه‌كانى عێراق له به‌یاننامه‌یه‌كدا بڵاویكرده‌وه: به‌رده‌وامن له دابه‌شكردنى كارتى بایۆمه‌ترى ده‌نگده‌ران و چاپكردنى ئه‌وانه‌ى كه داتاكانیان نوێ ده‌كه‌نه‌وه كه تائێستا گه‌یشتوه‌ته زیاتر له یه‌ك ملیۆن و 733 هه‌زار، كه 27 هه‌زار و 771 یان ئاواره‌كانن.
رونیشكراوه‌ته‌وه: هه‌روه‌ها تائێستا تۆماركردنى هاوپه‌یمانێتیه‌كان به‌رده‌وامه و تا 1ى 5ى 2021 به‌رده‌وام ده‌بێت، تائێستا 847 كه‌س خۆیان پاڵاوتوه له سه‌رجه‌م پێكهاته‌كان، هه‌روه‌ها 13 هاوپه‌یمانێتى ده‌یانه‌وێت به‌شدارى بكه‌ن ئه‌وه‌ش له‌كۆى 33 هاوپه‌یمانى تۆمار كراو، 13 هاوپه‌یمانێتیش له پرۆسه‌ى تۆماركردندان.
كۆمسیۆنى هه‌ڵبژاردنه‌كان جه‌ختیله‌وه‌شكردوه‌ته‌وه: هه‌روه‌ها مۆڵه‌تى دامه‌زراندن به 264 حزب دراوه و 55ى تریش له پرۆسه‌ى دامه‌زراندنن، تائێستاش 122 حزب داواى مۆڵه‌تى به‌شداریكردنیان له هه‌ڵبژاردن كردوه.
