بەهۆی زیادبونی ژمارەی توشبوانی پەتای كۆرۆنا لە جیهاندا بەتایبەتی لە وڵاتەكانی هندستان و ژاپۆن نرخی نەوتی خاو دابەزینی بەخۆیەوە بینی و یەك بەرمیل خاوی برێنت بە 65 دۆلار و 50 سەنتەوە مامەڵەی پێوە دەكرێت.
بەپێی راپۆرتە ئابوریەكان، نرخی نەوتی خاو دابەزینی بەخۆیەوە بینیوە و یەك بەرمیل خاوی برێنت 94 سەنت دابەزیوە و گەیشتوەتە 65 دۆلار و 49 سەنت.
رونیشكراوەتەوە، هەروەها بەرمیلێك خاوی خۆرئاوای تەكساسی ئەمریكی 58 سەنت دابەزیوە و یەك بەرمیل بەرامبەر 61 دۆلار و 56 سەنتە، بەرمیلێك خاوی ئۆپێكیش بە 63 دۆلار و 6 سەنتەوە مامەڵەی پێوەدەكرێت.
شارەزایانی ئابوری دەڵێن: هۆكاری دابەزینی نرخی نەوت ترسە لە بەرزبونەوەی ژمارەی توشبوانی پەتای كۆرۆنا لە جیهاندا، بەتایبەتی لە وڵاتەكانی هندستان و ژاپۆن كە گەورەترین سێیەم و چوارەم كڕیاری نەوتن لە جیهاندا.
