د. ئاسۆ حه‌وێزی وته‌بێژی وه‌زاره‌تی ته‌ندروستی حكومه‌تی هه‌رێمی كوردستان ئاشكرایكرد: تائێستا هیچ بڕیارێك بۆ كردنه‌وه‌ى قوتابخانه‌كان نه‌دراوه و ئه‌و ده‌نگۆیه‌ى بڵاوكراوه‌ته‌وه راست نییه.
د. ئاسۆ حه‌وێزی له رونكردنه‌وه‌یه‌كدا ئاماژه‌ى به‌وه‌داوه: سه‌باره‌ت به كردنه‌وه‌ی ده‌رگای قوتابخانه‌كان به‌ناوی وته‌بێژی وه‌زاره‌تی ته‌ندروستی چه‌ند ده‌نگۆیه‌ك بڵاوكراوه‌ته‌وه كه گوایه وه‌زاره‌تی ته‌ندروستی لاری نیه له كردنه‌وه‌ی ده‌رگای قوتابخانه‌كان.
رونیشیكردوه‌ته‌وه: لێره‌وه رایده‌گه‌ینین كه هێشتا كۆرۆنا له هه‌رێمی كوردستان له دۆخێكی مه‌ترسیدایه و بڕیارێكی له‌م شێوه پێویستی به هه‌ڵسه‌نگاندنێكی دروسته و لیژنه‌ی باڵا بڕیاری له‌سه‌ر ده‌دات بۆیه تاوه‌كو ئێستا هیچ بڕیارێك ده‌رباره‌ی كردنه‌وه‌ی ده‌رگای قوتابخانه‌كان نه‌دراوه.
وته‌بێژى وه‌زاره‌تى ته‌ندروستى جه‌ختیله‌وه‌شكردوه‌ته‌وه: ئه‌م ده‌نگۆیانه كه باس له كردنه‌وه‌ی ده‌رگای قوتابخانه‌كان ده‌كه‌ن پێش ئه‌وه‌ی ئه‌نجومه‌نی باڵا بڕیار له‌سه‌ر بدات راست نیه.
