بڕیارە لەلایەن كۆمپانیایەكی نێودەوڵەتی پرۆژەیەكی نیشتەجێبون و بازرگانی و گەشتیاری لە پارێزگای سلێمانی دروست بكرێت و هەڤاڵ ئەبوبەكر پارێزگاری شارەكەش دەڵێت: هیوادارن لە ئایندەیەكی نزیكدا بچێتە بواری بە جێبەجێ كردنەوە.
هەڤاڵ ئەبوبەكر لە لێدوانێكی رۆژنامەوانیدا وتی: دروستكردنی ئەو شارە هەنگاوێكی گەورەیە بۆ زیاتر پێشخستن و بەرەو پێشچونی بواری وەبەرهێنان و بوژانەوەی لایەنی ئابوری و گەشتیاری لە سلێمانی و رەخساندنی دەرفەتی زیاتر لە بەردەم وەبەرهێنانی ناوخۆیی و نێودەوڵەتی.
وتیشی: پڕۆژەكە لەسەر ئاستی خۆرهەڵاتی ناوەڕاست لە چەند وڵاتێك بنیاتنراوە و دروستكردنی شارێكی لەم جۆرەش لە سلێمانی و هەرێمی كوردستان هێمای زیاتر گەشەسەندن و بوژانەوەی لایەكی ئابوری و بازرگانییە و هیوادارن پرۆژەكە لە ئایندەیەكی نزیكدا بچێتە بواری بە جێبەجێ كردنەوە.
لەلایەكی ترەوە كاوە شێخ سەعید خاوەنی كونسوڵ گروپ كە یەكێكە لە كۆمپانیاكانی جێبەجێ كردنی پڕۆژەكە رایگەیاند: بەجێبەجێ كردنی ئەو پرۆژەیە سلێمانی لە بواری بازرگای و گەشتیاری و وەبەرهێنانی بیانی دەچێتە قۆناغێكی گەشەسەندو.
