جەنراڵ جۆزێف فۆتێل فەرماندەی پێشوی سەركردایەتی ناوەندی ئەمریكا لە رۆژهەڵاتی ناوەڕاست دەڵێت: كشانەوەی هێزەكانی وڵاتەكەی لە عێراق بوە هۆی لەدایكبونی رێكخراوی داعش، هەروەها نوری مالكی سەرۆك وەزیرانی پێشوی ئەو وڵاتە بوە هۆی داگیركردنی موسڵ.
جۆزێف فۆتێل لە لێدوانێكی رۆژنامەوانیدا وتی: هۆكاری لەدایكبونی رێكخراوی داعش و دروستبونی، كشانەوەی هێزەكانی ولایەتە یەكگرتوەكانی ئەمریكا بوو لە عێراق.
رونیشیكردوەتەوە: هەروەها هۆكاری سەرەكی داگیركردنی موسڵ و ناوچەیەكی فراوانی عێراق لەلایەن رێكخراوی داعش و كارە دڕندانەكانی نوری مالكی سەرۆك وەزیرانی پێشوتر بوو.
سەبارەت بەو هۆكارە فۆتێل باسی لەوەكردوە: نوری مالكی سوپای وڵاتەكەی بە سیاسی كرد و ئەوەش بوە هۆی بێتوانایی ئەو سوپایە كە نەیتوانی شەڕی داعش بكات و لەساڵی 2014 موسڵی داگیر كرد.
