پارێزگاری سلێمانی رایگەیاند، لەرۆژی جیهانی كرێكاراندا داوا دەكەن حكومەتی هەرێمی كوردستان پابەندبكرێت بە جێبەجێكردنی یاسای دەستەبەری كۆمەڵایەتی.
هەڤاڵ ئەبوبەكر پارێزگاری سلێمانی راشیگەیاند، داوا دەكەن كرێكاران و كۆمپانیاكان لەم دۆخەدا پابەندی مەرج و رێنماییەكانی سەلامەتی كار و تەندروستی بن و نابێت كۆمپانیاكان پێچەوانەی یاسا و گرێبەستەكان مامەڵە لەگەڵ كرێكاراندا بكەن، بەپێچەوانەوە روبەڕوی رێكاری یاسایی دەبنەوە.
باسی لەوەشكرد، داوا لەكرێكارانیش دەكەن لەپێناوی داهاتوی خۆیان و بۆ كاتێك كە بێكاربون یان توانای كاركردنیان نەما، ئەركەكانیان بەگوێرەی یاسای دەستەبەری كۆمەڵایەتی جێبەجێ بكەن ئەویش بەبەخشینی بەشێك لەداهاتەكانیان بەسندوقی دەستەبەری كۆمەڵایەتی تا لەدوا رۆژدا بتوانن سودی لێوەربگرنەوە.
