عەبدوڵای كوێخا موبارەك هۆكاری چوونی بۆ ناو ریزەكانی پارتی ئاشكرا دەكات و دەیبەستێتەوە بە سیاسەتی ئەو حزبە بەرامبەر بە كەركوك.
لە كۆنگرەیەكی رۆژنامەوانیدا عەبدوڵا كوێخا موبارەك رایگەیاند، بەهۆی راستگۆیی و جدییەتی نوێنەرانی پارتی لە حكوومەت و راستیی سیاسەتی پارتی لەبارەی كەركووك چوونەتە ریزی پارتییەوە.
وتیشی، لەگەل سەركردایەتیی پارتی باسی هیچ پلە و پۆست و پارەمان نەكردووە تەنیا داوامان كردووە پارتی رێزمان بگرێ و لە رێگەی نوێنەرەكانیەوە هەوڵبدەن خزمەتی چەمچەماڵ بكرێت.
عەبدوڵا كوێخا موبارەك داواشی لە هاوڕێ و خزمەكانی كرد بە هەمان شێوە بچنە ریزی پارتییەوە.
عەبدوڵای كوێخا موبارەك پێشتر ئەندامی جڤاتی نیشتمانی گۆڕان بوو، بەڵام لەماوەی رابردوودا پەیوەندی بەو بزوتنەوەیەوە نەمابوو.
