نوێترین هەواڵ

ئێران دەستوەردان لە هەڵبژاردنەكانی سكۆتلەندا دەكات

ناوەنێكی توێژینەوەی بەریتانی ئاشكرای دەكات كە هاوشێوەی دەستوەردانەكانی روسیا لە هەڵبژاردنی سەرۆكایەتی ئەمریكا، لەئێستادا ئێران لە هەوڵدایە تا لە چەند رێگەیەكەوە دەستوەردان لە هەڵبژاردنەكانی سكۆتلەندادا بكات.
رۆژنامەی تایمزی بەریتانی لە زاری بەرپرسانی ناوەندی توێژینەوەی هێنری جاكسۆنەوە بڵاویكردوەتەوە، كە چەند گروپێكی سەر بە ئێران لە رێگەی تۆڕە كۆمەڵایەتیەكانی فەیسبوك و تویتەرەوە و بە كردنەوەی هەژماری ساختە زانیاری ناڕاست لە بارەی هەڵبژاردنی سكۆتلەنداوە بڵاودەكەنەوە.
رونیشیكردوەتەوە، كە ئەو گروپانەی سەر بە ئێران لە رێگەی پشتگیریكردن لە سەربەخۆییخوازانی سكۆتلەنداوە هەوڵدەدەن كاریگەری لە سەر ئەنجامی هەڵبژاردنەكانی داهاتووی ئەو ناوچەیە دابنێن و بەمەش بەریتانیا بەرەوڕووی ناسەقامگیری بكەنەوە.
ئەوەشخراوەتەڕوو، كە ئەو كارەی گروپە ئێرانیەكان هاوشێوەی دەستوەردانەكانی روسیایە لە هەڵبژاردنی سەرۆكایەتی ئەمریكا.
بڕیارە لە رۆژانی داهاتوودا هەڵبژاردنی پەرلەمانی سكۆتلەندا بەڕێوەبچێت و بەشێك لە كاندیدەكان هەوڵ بۆ ئەوە دەدەن كە جارێكی تر لە رێگەی پەرلەمانەوە بڕیاری بەڕێوەچوونی ریفراندۆمی سەربەخۆیی پەسەند بكەن.

هەواڵی دواتر

مباپێ‌: چیتر لەوە زیاتر چاوەڕێ ناكەم

كیلیان مباپێ‌ ئەستێرەی هەڵبژاردەی فەرەنسا و یانەی پاریس سانجێرمانی هەمان وڵات جەخت لەوە دەكاتەوە، چیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .