بەهۆی زیادبونی خواست لەسەری، نرخی نەوتی خاو بەرزبونەوەی بەخۆیەوە بینی و یەك بەرمیل خاوی برێنت بە 67 دۆلار و 65 سەنتەوە مامەڵەی پێوە دەكرێت.
بەپێی راپۆرتە ئابوریەكان، بەرەبەیانی ئەمڕۆ پێنجشەممە نرخی نەوتی خاو بەرزبونەوەی بەخۆیەوە بینیوە و یەك بەرمیل خاوی برێنت 38 سەنتی تر زیادی كردوە و یەك بەرمیل گەیشتوەتە 67 دۆلار و 65 سەنت.
بەپێی ئەو راپۆرتانە، هەروەها بەرمیلێك خاوی تەكساسی ئەمریكی 35 سەنتی تر چوەتە سەر نرخەكەی و یەك بەرمیل بە 64 دۆلار و 21 سەنتەوە مامەڵەی پێوەكراوە، بەرمیلێك خاوی ئۆپێكیش بەرامبەر 63 دۆلار و 91 سەنتە.
شارەزایانی بازاڕی نەوت سەبارەت بە بەرزبونەوەی نرخ ئاماژەیان بەوەداوە، هۆكارەكەی بۆ بەرزبونەوەی پێشبینییەكانە لەسەر زیادبونی خواست لەسەری.
