محەمەد شوكری سەرۆكی دەستەی وەبەرهێنان دەڵێت: لەبارەی قیستی یەكەكانی نیشتەجێبون دوو بژاردە خراونەتە بەردەم بەڕێوەبەرایەتی و پڕۆژەكان بۆ هەڵبژاردنی یەكێكیان ئەوانیش درێژكردنەوەی قیستەكان یاخود داشكاندنی نرخی دۆلار، هەر پڕۆژەیەكیش پابەند نەبێت سزا دەدرێت.
محەمەد شوكری بە ماڵپەڕی ناس كوردی وتوە: دوای ئەوەی نرخی دۆلار بەرزبویەوە گشتاندنێكیان بۆ چارەسەری كێشەی قیستی یەكەكانی نیشتەجێبون ئامادەكردوە و ئاڕاستەی بەڕێوەبەرایەتیەكانی وەبەرهێنانی پارێزگاكانی دەكەن.
باسی لەوەشكردوە: دوو بژاردە دیاری كراوە كە بریتین لەوەی قیستەكان درێژبكرێتەوە بەوەی نرخی دۆلار وەكو پێشو هەژمار بكرێت و ئەو بڕەی ئێستا بۆ نرخەكە زیاد بوە بخرێتە كۆتایی و بەقیست وەربگیرێت، بژاردەی دووەم ئەوەیە 100 دۆلار بە نرخی 120 بۆ 130 هەزار دینار دیاری بكرێت.
سەرۆكی دەستەی وەبەرهێنان دەشڵێت: پێویستە لەماوەیەكی دیاریكراودا بەڕێوەبەرایەتیەكان ئەو پرسە یەكلایی بكەنەوە و هەر كۆمپانیایەكیش پابەند نەبێت لێپێچینەوەی لەگەڵدا دەكرێت.
