به‌تۆمه‌تی گه‌نده‌ڵی و به‌فێرۆدانی سامانی ده‌وڵه‌ت فه‌رمانی گرتن بۆ وه‌زیری دارایی قه‌ته‌ر ده‌ركرا.
ئاژانسی فه‌رمی هه‌واڵی قه‌ته‌ر بڵاویكرده‌وه، دادوه‌ری گشتیی ئه‌و وڵاته به تۆمه‌تی تێوه‌گلان له‌گه‌نده‌ڵی، به فێڕۆدانی سامانی ده‌وڵه‌ت و خراپبه‌كارهێنانی ده‌سه‌ڵاته‌كه‌ی فه‌رمانی گرتنی بۆ عه‌لی شه‌ریف عیمادی وه‌زیری دارایی ده‌ركردووه.
ناوبراو جیا له‌وه‌ی وه‌زیری داراییه هاوكات له ساڵی 2013ه‌وه ئه‌ندامی ده‌سته‌ی به‌ڕێوه‌به‌ری سندوقی سامانی نیشتمانی قه‌ته‌ر و ئه‌ندامی ده‌سته‌ی به‌ڕێوه‌به‌ری بانكی نیشتمانی ئه‌و وڵاته‌یه، كه به یه‌كێك له گه‌وره‌ترین بانكه‌كانی رۆژهه‌ڵاتی ناوه‌ڕاست داده‌نرێت.
دادوه‌ری گشتیی قه‌ته‌ر هیچ روونكردنه‌وه‌یه‌كی زیاتر له باره‌ی تۆمه‌ته‌كه‌ی وه‌زیری داراییه‌وه بڵاونه‌كردوه‌ته‌وه.
