مەكتەبی سیاسی پارتی راگەیەنراوێكی لە بارەی سزادراوانی بادینان بڵاوكردەوە

مەكتەبی سیاسی پارتی دیموكراتی كوردستان، سەبارەت بە بڕیاری پەسەندكردنی سزای زیندانیكردنی چالاكوانانی بادینان رایدەگەیەنێت، بەسیاسی كردنی بابەتەكان سوود بە بارودۆخەكە ناگەیەنێ‌ و، مەرج نیە ئەگەر رەئی و لایەنگیری لایەنێك نەبوبێتە بڕیار مانای راست نەبوونی بڕیارەكان بێت.
لە راگەیەندراوەكەی مەكتەبی سیاسی پارتیدا ئاماژە بەوە كراوە، دەستوەردان لە كاروباری دادگاكان و بەسیاسیكردنی بابەتەكان سوود بە بارودۆخەكە ناگەیەنێت و مەرج نییە ئەگەر رەئی و لایەنگیری لایەنێك نەبووبێتە بڕیار، مانای راست نەبوونی بڕیارەكان بێت.
جەخت لەوەش كراوەتەوە، ئەگەر هەوڵەكان بەو ئاڕاستەیەدا بن و بابەتەكان بە سیاسی بكرێن و زیاتر وەكو بانگەشەی هەڵبژاردن و چەواشەكاری بخرێنە بەرچاوی هاووڵاتیان، ئێمەش لە پارتی دیموكراتی كوردستان، زۆر بابەت هەیە باسیان بكەین.

دەقی راگەیەندراوەكە:

سەبارەت بە بڕیاری دادگای پێداچوونەوە لە بارەی كەیسی چەند كەسێك، بەداخەوە چەند لایەنێك كاردانەوەی دوور لە رەچاوكردنی سەروەری یاسا و رێساكانی دەسەڵاتی دادوەریان نیشان دا، بەپێویستی دەزانین رێز لە دام و دەزگاكانی دادوەری و سەروەری یاسا بگیرێت، دەستوەردان لە كاروباری دادگاكان و بەسیاسی كردنی بابەتەكان سوود بە بارودۆخەكە ناگەیەنێ‌ و، مەرج نیە ئەگەر رەئی و لایەنگیری لایەنێك نەبوبێتە بڕیار مانای راست نەبوونی بڕیارەكان بێت.

ئەوەی رویداوە رونە، دوای لێكۆڵینەوەی یاسایی لەلایەن لایەنە یاسایی و پەیوەندارەكان بە پشت بەستن بەو بەڵگانەی بەردەستیان هەوڵی چەند كەسێكە بۆ تێكدانی سەقامگیری و، ئاسایشی هەرێمی كوردستان كراوەتە ئامانج. بۆیە باشترە لێگەڕێین دامەزراوە یاساییەكان كاری خۆیان بكەن و رێز لە رۆڵیان بگرین.

ئەگەر هەوڵەكان بەو ئاڕاستەیە بن بابەتەكان بەسیاسی بكرێن و زیاتر وەكو بانگەشەی هەڵبژاردن و چەواشەكاری بخرێنە بەرچاوی هاوڵاتیان، ئێمەش لە پارتی دیموكراتی كوردستان زۆر بابەت هەیە باسیان بكەین.

هیوادارین ئاڕاستە و لۆژیكی پاراستنی سەقامگیری و ئاسایشی هەرێمی كوردستان لە پێشەوەی هەموو هەوڵێكی دیكەوە بن.

مەكتەبی سیاسی
پارتی دیموكراتی كوردستان

8ـی 5ـی 2021

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .