نیمار بەرشەلۆنەی توڕە كردووە: بەكاری هێناین

رۆژنامەكانی ئیسپانیا ئاشكرایانكردووە: دەستەی ئیداری یانەی بەرشەلۆنەی ئیسپانی لە نیمار داسیلڤا ئەستێرەی بەڕازیلی و یانەی پاریس سانجێرمانی فەرەنسی توڕە و بێهیوا بوون، ئەوەش بەهۆی ئەوەی بەكاری هێناون.
رۆژنامەی “مۆندۆ دیپۆرتیڤۆ”ی ئیسپانی لە راپۆرتێكدا بڵاویكردووەتەوە: مانگێك پێش ئێستا نوێنەری یانەی بەرشەلۆنە چووەتە فەرەنسا و یەك رۆژی تەواو لەگەڵ نیماردا ماوەتەوە، ئەوەش بۆ ئەوەی پلانەكانی داهاتووی یاریزانەكە بزانێت.
رونیشكراوەتەوە: نیمار بە نوێنەرەكەی بەرشەلۆنەی وتووە كە دەخوازێت بگەڕێتەوە یانەكە و پرۆژەیەكی سەركەوتوو لە پاریس سانجێرمان نابینێت.
راپۆرتەكە ئاماژەی بەوەشداوە: بەڵام دواتر نیمار ئاشكرایكرد كە گرێبەستەكەی لەگەڵ یانە فەرەنسییەكە نوێكردووەتەوە و ئەوەش بەرشەلۆنەی تووشی بێهیوایی كردووە و پێیان وایە كە ئەستێرە بەڕازیلییەكە بەكاری هێناون.
مۆندۆ دیپۆرتیڤۆ لە درێژەی راپۆرتەكەیدا هێمای بۆ ئەوەكردوە: ئەوەش لەكاتێكدایە نیمار ئاماژەی باشی لە یانە كەتەلۆنییەكەوە پێگەیشتبوو بۆ گەڕانەوەی، ئێستا ئەو پەیوەندییانەی لەگەڵ بەرشەلۆنە بەكارهێناوە بۆ ئەوەی گرێبەستە نوێكەی بە پاریس سانجێرمان واژۆ بكات.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .