وەزیری پەروەردەی حكومەتی هەرێمی كوردستان وادەی دەستپێكردنەوە و كۆتاییهاتنی پرۆسەی خوێندنی ئەمساڵی ئاشكرا كرد.
ئالان حەمە سەعید، وەزیری پەروەردەی حكومەتی هەرێمی كوردستان رایگەیاند: “بڕیارە لە 16ی ئایار پرۆسەی خوێندن دەست پێبكەینەوە، لەو بڕوایەدام یەكەم رۆژی وەرزی هاوین كۆتا رۆژی پرۆسەی خوێندنی ئەمساڵ بێت، ئەوەی دەمێنێتەوە تەنها تاقیكردنەوەكانە لە پۆلی 1ی بنەڕەتی تا 11ی ئامادەیی”.
راشیگەیاند: “بڕیاری دەستپێكردنەوەی پرۆسەی خوێندن لە هەرێمی كوردستان بە گرتنەبەری رێكار و رێنماییە تەندروستییەكان لەلایەن لیژنەی باڵای رووبەڕووبوونەوەی كۆرۆنا پەسند كراوە”.
وەزیری پەروەردە باسی لەوەشكرد، “هەوڵمانداوە بۆ دابینكردنی ئامێری فێنكەرەوە بۆ قوتابخانەكان و بەردەوامین، بەڵام پرۆسەی خوێندن ماوەیەكی كەم لە وەرزی گەرما دەمێنێتەوە”.
