رۆژنامەیەكی ئەمریكی ئاشكرایكرد، عێراق بەنیازە فڕۆكەی جەنگی لە كۆریای باشور بكڕێت، ئەوەش بەهۆی ئەوەی فڕۆكە “ئێف – 16″ەكانی ئەمریكا كۆن بوون و ماوەی 15 ساڵە بەكاری دەهێنن، هەروەها فڕۆكە روسیەكانیشی زۆر پێشكەوتوو نین.
گۆڤاری “فۆڕبس”ی ئەمریكی بڵاویكردووەتەوە: مۆن جای سەرۆكی كۆریای باشور ئاماژەی بەوەداوە كە ئەگەری هەیە عێراق یەكێك بێت لە كڕیارەكانی فڕۆكە جەنجییە نوێكەیان بەناوی KF-21 Boramae، پێشتریش فڕۆكەی جۆری T-50 Golden Eagleی لە كۆریا كڕیوە كە لە دەنگ خێراترە، ئەوەش یەكەم فڕۆكەی جەنگییە كە كۆریا دروستی بكات.
رونیشكراوەتەوە: فڕۆكەی جۆری KF-21 پێشكەوتووە و سوكە و نرخیشی هەرزانترە، دوو جۆری هەیە و جۆری “Block 1” تەنها تایبەتە بە ئەركە ئاسمانییەكان، جۆری “Block 2” دەتوانێت چەندین رۆڵ بگێڕێت و لە هێرشی زەمینیشدا بەهێزە.
عێراق فڕۆكەكانی جۆری “ئێف – 16″ی ئەمریكی و “سو – 25″ی روسی هەیە، بەڵام فڕۆكە ئەمریكییەكان كۆن بوون و پێویستی بە پارچە و چاكسازی بەردەوامی شارەزایانی ئەمریكا هەیە و فڕۆكە روسیەكانیش زۆر پێشكەوتوو نین.
