بەرێوبەرایەتی چاودێری بازرگانی بڵاویكردەوە: لە ماوەی مانگی رمەزاندا لە هەرێمی كوردستان دەست بەسەر زیاتر لە 34 هەزار تۆن كەلوپەلی ماوە بەسەرچودا گیراوە و زیاتر لە 16 ملیۆن دیناریش سزای دارایی بۆ سەرپێچیكاران كراوە.
بەڕێوەبەرایەتی چاودێری بازرگانی سەر بە وەزارەتی بازرگانی و پیشەسازی لە راگەیەندراوێكدا ئاماژەی بەوەداوە: لە مانگی رەمەزاندا دەست بەسەر 34 هەزار و 327 تۆن كەلوپەلی ماوە بەسەرچودا داگیراوە، هەروەها 33 كۆگاو دوكان و شوێنی بازرگانییش داخراون.
بەڕێوەبەرایەتییەكە جەختیلەوەشكردووەتەوە: لە هەرسێ پارێزگاكەی هەرێم و ئیدارەی گەرمیان زیاتر لە 9 هەزار جار تیمەكانی چاودێری بازرگانی سەردانی شوێن و دوكان و مۆڵ و شوێنە بازرگانیەكانیان كردووە.
باس لەوەشكراوە: لەو سەردانانەدا 197 سەرپێچی جۆراو جۆر تۆمار كراون و بەبڕی زیاتر لە 16 ملیۆن دیناری عێراقی سزای دارایی بۆ سەرپێچیكاران كراوە.
