لە هێرشێكی داعشدا پێشمەرگەیەك شەهید بوو

لە ئەنجامی هێرشێكی داعش بۆ سەر سەنگەرەكانی پێشمەرگە لە سنوری قەزای كفری پێشمەرگەیەك شەهید بوو.
شەوی رابردوو چەكدارانی داعش لە سنوری ناحیەی زنانەی سەر بە قەزای كفری هێرشیان كردوەتە سەر سەنگەرەكانی لیوای 116ی پێشمەرگە و بە هۆیەوە دوو پێشمەرگە برینداربوون، كە یەكێك لەو پێشمەرگانە بە دوای گواستنەوەی بۆ نەخۆشخانە بە هۆی سەختی برینەكەیەوە شەهید بوو.
كەمێك پێش ئەو هێرشە چەكدارانی داعش لە سنوری ناحیەی گوڵاڵەش هێرشیان كردبوەسەر بارەگایەكی هێزەكانی حەشدی شەعبی و لەو هێرشەشدا دوو چەكداری حەشد برینداربوون.
سەرەتای ئەم مانگەش چەكدارانی داعش لە سنوری پردێ هێرشیان كردبوە سەر هێزەكانی پێشمەرگە و بە هۆیەوە سێ پێشمەرگە شەهیدبوون و دوو پێشمەرگەش برینداربوون.
ماوەیەك جموجۆڵ و هێرشەكانی داعش لە ناوچە جێناكۆكەكان زیادیكردووە و هۆكارەكەشی بۆ بوونی بۆشایی ئەمنی لەو ناوچانە دەگەڕێنرێتەوە.

هەواڵی دواتر

هۆشیار زێباری جارێكی تر هێرش دەكات سەر دادگای فیدراڵی

هۆشیار زێباری ئەندامی مەكتەبی سیاسی پارتی دیموكراتی كوردستان جارێكی تر هێرش دەكاتەوە سەر دادگای فیدراڵی …

وەڵامێک بنووسە

پۆستی ئەلکترۆنیکەت بڵاو ناکرێتەوە .