گەشتێكی دیكە بۆ گەڕانەوەی ئەو عێراقییانە دەكرێت كە لە وڵاتی هیندستان گیریانخواردووە.
لەو بارەوە جیهاد كازم، وتەبێژی دەسەڵاتی فڕۆكەوانی مەدەنی عێراق راگەیاند، ئەمڕۆ پێنجشەممە گەشتێكی ئاسمانی بۆ هیندستان دەكرێت بۆ گەڕاندنەوەی ئەو عێراقییانەی لەو وڵاتەدا گیریان خواردووە.
وتیشی، رۆژی یەكشەممە و سێشەممەی هەفتەی داهاتووش دوو گەشتی دیكە دەكرێت. گەشتیارە گەڕاوەكانیش دەبێت پشكنینی پی سی ئاڕ بكەن و ماوەی 14 رۆژیش لە هۆتێل كەرەنتین بكرێن.
وتەبێژی دەسەڵاتی فڕۆكەوانی مەدەنی عێراق ئاماژەی بەوەشكرد، زیادبوونی ژمارەی گەشتە ئاسمانییەكان بە هاوئاهەنگی لەگەڵ باڵیۆزخانەی عێراق دەبێت لە هیندستان، هەر عێراقییەك ناوی خۆی لە باڵیۆزخانە تۆماربكات و ژمارەیان بگاتە 400 بۆ 500 كەس، ئەوا گەشتێكی ئاسمانیان بۆ رێكدەخەن.
