سەرۆكی هەرێمی كوردستان رایدەگەیەنێت، كار دەكەن بۆ ئەوەی كوردستان بۆ هەمیشە بە لانەی پێكەوەژیان بمێنێتەوە.
لە رۆژی جیهانیی پێكەوەژیانی ئاشتییانەدا، نێچیرڤان بارزانی، سەرۆكی هەرێمی كوردستان لە هەژماری تایبەتیی خۆی لە تۆڕی كۆمەڵایەتیی تویتەر، پەیامێكی بڵاو كردووەتەوە و تیایدا جەختی لە پشتگیریی خۆی بۆ پێكەوەژیان و ئاشتی لە سەرتاسەری جیهان كردووەتەوە.
سەرۆكی هەرێمی كوردستان داوای كردووە “هەرچی كێشە و ناكۆكیی”، بە ئاشتیانە چارەسەر بكرێن و رایگەیاندووە: “كار دەكەین بۆ ئەوەی كوردستان بۆ هەمیشە بە لانەی پێكەوەژیان، تەبایی و ئاشتی بمێنێتەوە”.
