بڕیاردەری لێژنەی پەروەردە لە پەرلەمانی عێراق دەڵێت: پێشنیازی كۆتاییهێنان بە خوێندنی ئەمساڵیان كردووە.
توعمە لهێبی، بڕیاردەری لیژنەی پەروەردە لە پەرلەمانی عێراق رایگەیاندووە، پرۆسەی خوێندن لە بەردەم دوو بژاردەدایە، یەكەم كۆتاییهێنان بە خوێندنی ئەمساڵ و پشتبەستن بە نمرەكانی نیوەی ساڵ بۆ دەرچوون یان كەوتنی خوێندكاران و دووەم دەستكردن بە تاقیكردنەوەی كۆتایی ساڵ، كە ئەستەمە، چونكە خوێندكاران هەموو بابەتەكانیان نەخوێندووە.
ئاشكراشی كرد، كە لێژنەكەیان پێشنیازی كردووە ساڵی خوێندنی (2020-2021) كۆتایی پێبهێنرێت، بەشێوەیەك بۆ پۆلە ناكۆتاییەكان نمرەكانی نیوەی ساڵ هەژمار بكرێت و پۆلە كۆتاییەكانیش تاقیكردنەوەی سەری ساڵ بكەن.
رونیشیكردەوە، لیژنەكەیان بە هۆی هەڵكشانی ژمارەی تووشبوان بە كۆرۆنا ئەو پێشنیازەی خستوەتەڕوو.
