لە لوبنانەوە ژمارەیەك موشەك نران بە ئیسرائیلەوە

لەناو خاكی لوبنانەوە ژمارەیەك موشەك نراون بە ئیسرائیلەوە و تۆپهاوێژەكانی ئەو وڵاتەش لە وەڵامدا بۆردومانی شوێنی هەڵدانی موشەكەكانیان كردوە.
ئەفیغای ئەدرەعی وتەبێژی پۆلیسی ئیسرائیلی لە تۆڕی كۆمەڵایەتی تویتەر بڵاویكردووەتەوە، بەپێی زانیاریەكان لەناوی خاكی لوبنان و لە نزیك شارۆچكەی “مسكافعام”ی سنوریی 6 موشەك نراون بە ئیسرائیلەوە، بەڵام لەناو خاكی لوبناندا كەوتووەنەتە خوارەوە.
رونیشیكردووەتەوە، تۆپهاوێژەكانی ئیسرائیلیش بۆردومانی ناوچەی هەڵدانی موشەكەكانیان كردووە، هەروەها فەرمان كراوە بە كردنەوەی حەشارگەكان لە ناوچەی جەلیل كە 4 كیلۆمەتر لە سنورەكانی لوبنانەوە دوورە.
لەلایەكی ترەوە سەرچاوەكانی هەواڵی لوبنان بڵاویانكردووەتەوە، سوپای ئیسرائیلی بۆمبی رووناكی بەسەر ئاسمانی شارۆچكەی “میس جەبەل”ی باشوری لوبناندا هەڵداوە.