مەسرور بارزانی سەرۆكی حكومەتی هەرێم دەڵێت، ناكرێت داوای یەكڕیزی بكەین و بەرەو دوو ئاراستەی جیاواز جوڵە بكەین، هەروەها ناشبێت ئازادی و بەرەڵایی لەیەكتر جیا نەكەینەوە.
مەسرور بارزانی وتارەكەیدا لە پانێڵی “هەرێمی كوردستانی عێراق: دەستوور و یەكڕیزی” وتی، پێویستە بەر لەوەی باسی یەكڕیزی بكەین ئامانجەكان یەك بخەین بۆ گەیشتن بە قۆناغێك كە ئەو قۆناغە بۆ هەموان وەكو یەك وابێت.
باسی لەوەشكرد، لە یەكڕیزیدا دەستكەوتەكان زیاتر بوون و ناكرێت داوای یەكڕیزی بكەین بەڵام بەرەو دوو ئاراستەی جیاواز جوڵە بكەین، پێویستە لەبارەی دەستورەوە لەیەكتر نزیكبین و هەوڵی یەكڕیزی بدەین.
سەرۆكی حكومەتی هەرێم جەختیلەوەشكردوەوە، پێویستە دەستور ئامانجە هاوبەشەكانمان كۆبكاتەوە و ئاساییە بیروڕای جیاوازیشمان هەبێت، حكومەت تەنها هی ئەو لایەنانە نییە كە بەشدارن بەڵكو هی لایەنەكانی دەرەوەشە و پێویستە وەك یەك تیم كاربكەن، پێشی وایە كە نابێت ئازادی و بەرەڵایی لەیەكتر جیا نەكەینەوە.
