سەرۆکی هەرێمی کوردستان رایگەیاند: “دەست بە هەنگاوی کرداری دەکەن بۆ نوسینەوەی دەستور” جەختیشی کردەوە: لە دەستوردا مافی سەرجەم پێکهاتەکان وەک یەک دەپارێزرێت”.
نێچیرڤان بارزانی، سەرۆکی هەرێمی کوردستان لە میانی وتارەکەیدا لە کۆنفرانسی یەکڕیزیی و دەستوردا رایگەیاند: “ئامانجی دەستوور ئەوەیە مافی هاوڵاتیبوون بپارێزرێت و سیستەمی سیاسی هەرێمی کوردستان رێکبخەینەوە”.
نێچیرڤان بارزانی ئاماژه‌ی به‌وه‌شكردووه، “دەست بە هەنگاوی کرداری دەکەین بۆ نوسینەوەی دەستوور”، وتیشی: “دەستورێکمان دەوێت کە مافی هەموو پێکهاتەکان وەک یەک بپارێزێت”.
نێچیرڤان بارزانی دووپاتی كرده‌وه “ئه‌و شته‌ی ئێمه به‌رده‌وام شانازی پێوه ده‌كه‌ین، دروشمی پێكه‌وه ژیانه و ده‌بێت دڵنیایی ئه‌و پێكه‌وه‌ژیانه‌ش به ته‌واوی پێكهاته جیاوازه‌كانی هه‌رێمی كوردستان بدرێت، ئه‌مه‌ش له‌ڕێگه‌ی ده‌ستوورێكه‌وه ده‌بێت، كه مافی هه‌موو پێكهاته و لایه‌نه‌كانی تێدا به‌رجه‌سته بێت”.
سەرۆکی هەرێم لەبەشێکی تری قسەکانیدا رایگەیاند: دەستوری عێراق مافی بە هەرێمی کوردستان داوە دەستوری خۆی هەبێت و ئەوەی لە دەستوری عێراق بۆ هەرێمی کوردستان هاتووە بەڵگەیەکی مێژووییە.
