ئاوارەكانی جیهان ژماەیەكی پێوانەییان تۆمار كرد

بەپێی راپۆرتێك، لەساڵی 2020دا ژمارەی ئاوارەكان لە جیهاندا بەهۆی كێشمەكێش و توندوتیژییەكانەوە زیادبونێكی بەرچاوی بەخۆیەوە بینیوە و زیاتر لە 40 ملیۆن كەسی بە ئاوارەبوون ناچار كردووە و لەئێستاشدا كۆی گشتی ئاوارەكانی جیهان 55 ملیۆن كەسن.
بەپێی راپۆرتێكی هاوبەشی “ناوەندی چاودێری ئاوارەبوونی ناوخۆیی” و ئەنجومەنی نەرویجی بۆ پەنابەران” ژمارەی ئاوارەكانی جیهان ژمارەیەكی پێوانەیی تۆمار كردووە و گەیشتووتە 55 ملیۆن كەس.
رونیشكراوەتەوە، تەنها ساڵی رابردوو شەپۆلێكی گەورەی ئاوارەبوو بەهۆی كێشمەكێش و توندوتیژییەكانەوە روویداوە و 40 ملیۆن و 500 هەزار كەس ئاوارە بوون و ماڵ و حاڵی خۆیان جێهێشتووە، ئەوەش گەورەترین زیادبوونە لە چەندین دەیەی رابردودا.
لای خۆیەوە ئەلێكساندرا بیلاك بەڕێوەبەری “ناوەندی چاودێری ئاوارەبوونی ناوخۆیی” بە ئاژانسی فرانس پرێسی وتووە، كۆی گشتی ئاوارەكان زۆرە و ئەو زیادبوونەی ئاوارە ناوخۆییەكان پێشتر رووینەداوە و نامۆیە.
لەلایەكی ترەوە یان ئیگلاند سەرۆكی ئەنجومەنی نەرویجی بۆ پەنابەران لە بەیانامەیەكدا باسی لەوەكردووە، جێی شۆكە لە هەر چركەیەكی ساڵی رابردوودا كەسانێك ناچار كراون لەناو وڵاتەكەی خۆیاندا ئاوارە ببن و ماڵەكانیان جێبهێڵن.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .