سیستەمی قیری پۆلیمەركراو كە نوێترین تەكنەلۆجیای قیرتاوكردنەوە لە كارگەی قیری حكومی سەر بە بەڕێوەبەرایەتیی چاككردنەوەو پاراستنی رێگاوبانی هەولێر كەوتەكار.
بەپێی راگەیەنراوێكی وەزارەتی ئاوەدانكردنەوە و نیشتەجێكردن، ئەم سیستەمە تازەترین تەكنەلۆجیای قیرتاوكردنە لە جیهاندا و لە زۆریك لە پرۆژەكانی رێگاوبانی وەزارەت بەكاردەهێنرێت.
ئەوەش خراوەتەڕوو، ئەم سیستەمە كاریگەریی گەورەی هەبووە لە باشكردنی رەوشی پرۆژەكان و تێكنەچوونیان كە دواتر دەبێتە هۆی كەمكردنەوەی چاككردنەوەو نۆژەنكردنەوەی رێگاوبانەكان و كەمبوونەوەی ئەو بودجەیەی كە پێویستە بۆ چاككردنەوەی رێگاوبانەكان.
وەزارەتی ئاوەدانكردنەوە باس لەوە دەكات كە پێشوتر ئەم سیستەمە لەكارگەكانی قیرتاوكردنی سەر بەكەرتی تایبەت هەبوو، بەڵام ئێستا لە كارگەی قیری حكومی سەر بەوەزارەت كەوتەكار.
